काठमाडौं । नेपाल टेलिभिजनमार्फत प्रशारित सिङ्गिङ रियालिटी ‘शो’ नेपाल स्टारको उपाधि पोखराकी एलिना गुरुङले जितेकी छन् ।
शनिबार साँझ भएको फिनालेमा लक्ष्मण लिम्बु, सुरेश लामा र सन्देश लामालाई पछि पार्दै नेपाल स्टारको उपाधि पोखराकी एलिना गुरुङले जितेकी हुन् ।
उपाधिसँगै उनले ३५ लाख नगद पुरस्कार पनि पाएकी छन् । फाइनलमा स्थान बनाएका चारै जना प्रतिस्पर्धीले जनही ५ लाख रुपैयाँ पाएका छन् ।
विजेताले त्यसमा थप ३० लाख रुपैयाँ पाएसँगै शो विजेताले कुल ३५ लाख रुपैयाँ नगद पाएका हुन् ।
यसैगरि ‘शो’को विजेता बनेसँगै एलिनाले १ करोड रुपैयाँ बराबरको इन्सुरेन्स पोलिसी पनि पाएकी छन् ।
