काठमाडौं । अन्तत जनता समाजवादी पार्टी नेपाल विभाजित भएको छ । महन्थ ठाकुरको अध्यक्षतामा जसपा नेपाल (लोकतान्त्रिक) विधिवतरुपमा निर्वाचन आयोगमा दर्ता भएको छ ।
महन्थ ठाकुर पक्षले बुधबार निर्वाचन आयोगमा जसपा (लोकतान्त्रिक) दल दर्ता गराएका हुन् । जसको वरिष्ठ नेतामा राजेन्द्र महतो रहेका छन् । बुधबार ठाकुर पक्ष दल बिहीन भएपछि नयाँ दल दर्ता गर्न आयोग पुगेका हुन् ।
देउवा सरकारले संसदीय दल वा केन्द्रीय समितिको २० प्रतिशत पु¥याएर दल विभाजन गर्न सकिने गरी राजनीतिक दलसम्बन्धी अध्यादेश जारी गरे लगत्तै ठाकुर पक्षका नेताहरु जसपा लोकतान्त्रिक नाममा नयाँ दल दर्ताका लागि निर्वाचन आयोग पुगेको हो ।
जसपा उपेन्द्र यादव पक्षको कार्यकारिणी सदस्यमा राखिएका रेशमलाल चौधरीलाइ जसपा लोकतान्त्रिकको कार्यकारिणीमा पनि राखिएको छ ।
ठाकुर पक्षले नयाँ दलको चुनाव चिह्नमा साइकल प्रस्ताव गरिएको जनाएको छ ।
ठाकुर पक्षका २४ सदस्यीय कार्यकारिणी समितिको नामावली
