- आन्छुमे नसान
मंसिर १०, माङसेबुङ । मोडल छायांकार हुदैं निर्दैशनमा समेत पोख्त रहेको छायांकार तथा निर्देशक भुपेन्द्र तुम्बाहाङफेको निर्देशनमा द भ्वाईस अफ किडस् नेपालका फिनालिष्ट रुक्साना लिम्बूको सुमधुर आवाजमा सजिएको पुर्वेली लोक गीत ‘भुइसोरी ढोगे है’ किड भर्जन सार्वजनिक गरिएको छ ।
दिनेश माङमुको कोरियोग्राफीमा सञ्चारकर्मी तथा मोडल सिर्जना निङलेकु लिम्बूको छोरी रासि लिम्बू र रुक्साना लिम्बूद्वारा अभिनित पुर्वेली लोक भाकामा सजिएको गीत ‘भुइसोरी ढोगे है’ को किड भर्जन भिडियो मोडल सिर्जना निङलेकुको अफिसियल युट्यूव च्यानलबाट सार्वजनिक गरिएको हो ।
गीतकार संजिब पारदर्शी राईको शव्द तथा संगीतकार डी आर अटुको संगीतमा लोकप्रिय गायिका सुनिता थेगिम लिम्बूको आवाजमा मोडल सिर्जना निङ्लेकुको अभिनयलाई यस अघिनै दर्शक स्रोताले औधी मन पराएको छ ।
लिम्बुनि र राईनी बाल मित्रतालाई प्रस्तुत गरिएको भिडियोमा लिम्बू र राईको कला संस्कृतिलाई समेत उजागर गर्न खोजिएको बाल गायिका रुक्साना लिम्बु र रासि लिम्बु को यो प्रस्तुति दर्शक स्रोतको लागि मिठो कोसेली बनेको छ ।
थैली इन्टरटेन्मेन्टको पोष्ट प्रडक्शनमा कल्पना लिम्बू र आयुसा श्रेष्ठको सृङगार रहेको भिडियोमा अनिल रानाको सम्पादन रहेको छ ।
राजु कार्कीको संगीत संयोजनमा स्टुडियो लिम्दुमी कृएशनमा रेकर्ड गरिएको गीतको मिक्सिङ तथा मास्टरिङ राजु कार्कीले गरेका छन् ।
भिडियो हेर्नुहोस…
