- आन्छुमे नसान
असोज १७, माङसेबुङ । गीतकार मदन मावोको शव्द तथा गायक तथा संगीतकार एकान्त आङदेम्बेको संगीतमा गायक नोगेन हाङसरुम्बाको आवाजमा सजिएको गीत ‘मनै घमाइलो’ सार्वजनिक गरिएको छ ।
कविता लोप्चनको निर्देशनमा केञ्जल योङहाङ र जीवन वायुङ राईको अभिनय रहेको बिल्कुलै नयाँ गीत ‘मनै घमाइलो’ को भिडियो सार्वजनिक गरिएको हो ।
अर्जुन खड्की र दिपक केसीको छायांकन तथा सुनिता लावतीको मेकअपमा चित्र मिडियाको सम्पादन रहेको भिडियोमा सनिता लावती र सुम्निमा लिम्बूले समेत अभिनय गरेका छन् ।
पदम राजन मगरको संगीत संयोजनमा सेवा रेकर्डिङ स्टुडियोमा रेकर्ड गरिएको गीतको रेकर्डिङ तथा मिक्सिङ योगेन मुकारुङ राईले गरेका हुन् ।
चित्र मिडियाको पोष्ट प्रडक्शन रहेको भिडियो गायक एकान्त आङदेम्बेको अफिसियल युट्यूव च्यानलबाट सार्वजनिक गरिएको हो ।
भिडियो हेर्नुहोस…
