एसीसी प्रिमियर कपमा नेपाल सेमिफाइनलमा प्रवेश - Mangsebung News
  • सोमबार, जेठ ०७, २०८१
माङ्सेबुङ मासिकको अनलाईन संस्करण

एसीसी प्रिमियर कपमा नेपाल सेमिफाइनलमा प्रवेश

बैशाक ३, दमक । एसीसी प्रिमियर कपमा साविक विजेता नेपाल एक खेल अगावै सेमिफाइनलमा प्रवेश गरेको छ ।

सोमबार अल अमेरत क्रिकेट ग्राउन्ड (मिनिस्ट्री टर्फ १) ओमानमा भएको खेलमा हङकङलाई ८ विकेटले पराजित गर्दै समूह ‘बी’ मा रहेको नेपाल सेमिफाइनलमा प्रवेश गरेको हो ।

हङकङले दिएको ११५ रनको लक्ष्य पछ्याएको नेपालले १२.२ ओभरमा २ विकेट गुमाउँदै ११७ रन बनायो ।

नेपालका ओपनर आशिफ शेखले सर्वाधिक ४० रन बनाउदा कुशल भुर्तेलले ३२ रन, कप्तान रोहितकुमार पौडेलले २५ रन र सन्दीप जोरा १९ रनमा अविजित रहे ।

हङकङका इशान खान र यासिम मुर्तजाले १/१ विकेट लिए ।

यसअघि टस हारेर पहिला ब्याटिङ गरेको हङकङले १७.५ ओभरमा सबै विकेट गुमाउँदै ११४ रन बनाएको थियो ।

हङकङका अन्श्या रथले सर्वाधिक ३४ रन बनाउदा जिशान अलीले १४ रन, निजाकत खानले १२ रन, एहसान खानले ११ रन र आयुष शुक्ला ६ रनमा अविजित रहे ।

नेपालका अविनाश बोहराले सर्वाधिक ३ विकेट लिँदा ललितनारायण राजवंशी र दीपेन्द्रसिंह ऐरीले २/२ विकेट र करण केसीले १ विकेट लिए ।

सम्बन्धित खवर