भदौ १३, पान्थर । पान्थरको दुर्दिम्बामा राष्ट्रिय विभुति महागुरु फाल्गुनन्द लिङदेनको सालिक स्थापनाको लागि शिलान्यास गरिएको छ ।
महागुरु फाल्गुनन्दको सालिक स्थापनार्थ आज बिहिवार विहान ठिक ८ बजे पाँचथर मिक्लाजङ ८, दुर्दिम्बाको सोमबारे बजारमा सोही वडाका वडा अध्यक्ष रामेश्वर वाजीले शिलान्यास गरेका हुन् ।
कार्यक्रममा साङ्दाङगेन वरुमसावा तथा गुरु निजी आश्रम अर्थ समितिका केन्द्रीय उपाध्यक्ष मोहन कुमार तुम्सा सङयकहाङ, मिक्लाजङ ८ का वडा सदस्य नोबिम गौतम, कियाचु वडा शाखा अध्यक्ष मेघराज पङयाङगु, सोमबारे बजार ब्यवस्थापन समिति अध्यक्ष युवराज थक्सु, पुर्व शिक्षक समाजसेवी नाइन्द्रराज थक्सु, शिक्षक भिमलाल नेपाली लगायत किरात धर्मलम्वी भक्तजनहरुको उपस्थिति रहेको थियो ।
सालिक आगामी २०८२ कातिक २५ गते अनावरण गर्ने गरी २५ लाखको लागतमा फाल्गुनन्द सालिक निर्माण गरिने फाल्गुनन्द सालिक निर्माण प्रवास समिति संयोजक आइन्द्र बिक्रम वाजीले बताए ।
शिलान्यास कार्यक्रम फाल्गुनन्द सालिक निर्माण समिति संयोजक गणेश वाजीको अध्यक्षतामा सम्पन्न भएको हो ।
