- आन्छुमे नसान
असोज ११, माङसेबुङ । रंगकर्मीद्वय रमिता राई र युगल लिम्बूद्वारा अभिनित म्युजिक भिडियो ‘नहेर मलाई’ सार्वजनिक गरिएको छ ।
विक्रम योङहाङको शव्द तथा गोविन्द चेम्जोङ लिम्बूको संगीतमा गायक दीपक तामाङको आवाज रहेको विक्रम योङहाङले नै निर्देशन गरेको म्युजिक भिडियो ‘नहेर मलाई’ बुधबार सार्वजनिक गरिएको हो ।
फोटो खिच्दै गाउँ पुगेको फोटोग्राफर र गाउँकी युवतीको भेट पछि उनीहरूबीच प्रेम मौलाउँदै गएको प्रेमको कथा प्रस्तुत गरिएको भिडियोमा उत्तम योङहाङले समेत अभिनय गरेका छन् ।
भूपेन योङहाङको छायांकन, रविना लिम्बू र रुपा लिम्बूको श्रृंगार, अर्जुन खड्काको सम्पादन तथा कलर रहेको भिडियोमा अन्जु आङ्बो, अनिषा योङहाङ, बाना केरुङ, हैकम थुलुङ, फुङना योङहाङ र रुपा लिम्बुको पनि अभिनय रहेको छ ।
पुष्कर खत्रीको संगीत संयोजन, मिक्सिङ तथा मास्टरिङ रहेको गित फाइन स्टुडियोमा रेकर्ड गरिएको हो । भिडियो सेप्माङ फिल्मस् अफिसियल युट्यूव च्यानलबाट सर्वाजनिक गरिएको हो ।
भिडियो हेर्नुहोस्…
