कातिक ११, काठमाडौं । साविक विजेता बंगलादेश साफ महिला च्याम्पियनसिप २०२४ को फाइनलमा प्रवेश गरेको छ ।
आइतबार त्रिपुरेश्वरस्थित दशरथ रंगशालामा भएको पहिलो सेमिफाइनलमा भुटानलाई ७–१ गोल अन्तरले हराउँदै बंगलादेश लगातार दोस्रोपल्ट साफ च्याम्पियनसिपको फाइनलमा प्रवेश गरेको हो ।
तोहुरा खातुनको ह्याट्रिक गोलको साथमा साविना खातुनको दुई तथा ऋतु पोर्ना चक्मा र सेउली अजिमको समान एका गोलमा बंगलादेश उपाधिनजिक पुगेको हो ।
अघिल्लो संस्करणको सेमिफाइनलमा पनि बंगलादेशले भुटानलाई नै ८–० ले पराजित गर्दै फाइनलमा स्थान बनाएको थियो ।
