कातिक २६, माङसेबुङ । भारतको कालेम्पुङ, सङ्से भालुखोपमा किरात धर्म दर्शनदाता, महान समाज सुधारक, राष्ट्रिय विभूति मुहिङगुम अङसीमाङ लिङदेन महागुरु फाल्गुनन्दको सालिक अनावरण गरिएको छ ।
आइतबार महागुरु फाल्गुनन्द १४० औं जन्मजयन्तीको अवसरमा आयोजित कार्यक्रममा महागुरु फाल्गुनन्दको पूर्ण कदको सालिक अनावरण गरिएको हो ।
कार्यक्रमका प्रमुख अतिथी समेत रहेका प्रमुख माङसेवासाबा तेजबहादुर थङलङ(मनप्रसाद) लिम्बुले महागुरु फाल्गुनन्द लिङ्देनको सालिक अनावरण गर्नुभएको हो ।
किरात धर्म दर्शनदाता, महान समाज सुधारक राष्ट्रिय विभूति मुहिङगुम अङसीमाङ महागुरु फाल्गुनन्द लिङ्देन १४० औं जन्मजयन्ती संसार भरी मनाउने क्रममा भारतको कालेम्पुङ, सङ्से भालुखोपमा पनि भव्य मनाईएको हो ।
