काठमाडौं । गायन रियालिटी टिभी शो ‘द भ्वाइस अफ नेपाल’ सिजन ६ को उपाधि फरक क्षमता भएका धादिङका प्रतिभा प्रशेष पाण्डेले जितेका छन् ।
शुक्रबार राती सम्पन्न ग्राण्ड फिनालेमा कोच खेम सेन्चुरीको टिमबाट प्रतिस्पर्धी पाण्डे उपाधि विजेता बनेका हुन् ।
यसैगरी कोच मेलिना राईको टिमबाट खोटाङका रोशन राई फस्ट रनरअप घोषित भए । कोच राजु लामाको टिमबाट इलामका प्रमेश राई सेकेन्ड रनरअप घोषित भए ।
कोच उदय सोताङको टिमबाट प्रतिस्पर्धी गरेकी सिक्किमकी अर्पणा आचार्य थर्ड रनरअप घोषित भइन् ।
विजेता भएसँगै पाण्डेले २० लाख नगद प्राप्त गरे भने अन्य दुई प्रायोजकबाट १÷१ लाख रुपैयाँ प्राप्त गरे ।
विजेतालाई हिमालय टेलिभिजनका अध्यक्ष धर्मराज भुसाल लगायतका अतिथिले पुरस्कार प्रदान गरेका थिए ।
