माङसेबुङ । कवि उपेन्द्र सुब्बाको लेखन तथा निर्देशन रहेको बहुप्रतिक्षित चलचित्र ‘जारी २’ ‘सङ अफ च्याब्रुङ’को छायांकन सम्पन्न भएको छ ।
पाँचथर विभिन्न स्थानहरुमा गरिएको चलचित्रको छायांकन ३६ औं दिनमा सम्पन्न भएको हो । यो चलचित्र २०८० सालको सुपरहिट फिल्म ‘जारी’को सिक्वेल हो ।
फिल्मको छायांकन सकिएसँगै निर्माण टिमले फिल्म दसैँमा प्रदर्शन गर्ने बताएका छन् । तर गते भने तोकिएको छैन ।
बाँसुरी फिल्मस् र कबड्डी फिल्मस्को ब्यानरमा निर्माण भएको चलचित्रको निर्माता रामबाबु गुरुङ हुन् ।
चलचित्रमा दयाहाङ राई र मिरुना मगर, विजय बराल, ऋचा शर्मा, बुद्धि तामाङ, पुष्कर गुरुङ, प्रेम सुब्बा, माओत्से गुरुङ, मानहाङ लावती, बिष्णु मोक्तान, कमलमणी नेपाल, अनिल सुब्बा, रेखा लिम्बु, वेदना राई र सिर्जना निङ्लेखुको अभिनय छ ।
कवि तथा निर्देशक सुब्बाको डेब्यु निर्देशन ‘जारी’ २०८० सालमा सर्वाधिक कमाउनेको पहिलो नम्बरमासमेत परेको थियो ।
