माङसेबुङ । नेपाली गायक एकदेव लिम्बुको विश्वचर्चित गित ‘झिमझिमाउने आँखा’ को हिन्दी संस्करण ‘झिम झिम’ जुन २७ मा सार्वजनिक हुने भएको छ ।
चर्चित भारतीय गायिका नेहा कक्करसँगको सहकार्यमा लिम्बूको गित ‘झिमझिमाउने आँखा’ को हिन्दी संस्करण ‘झिम झिम’ सार्वजनिक हुने भएको हो ।
गीतको भिडियो प्लेडीएम अफिसियल युट्युब च्यानलबाट रिलिज हुने एकदेवले बताएका छन् । ‘यो क्षण मेरो करिअरको सबैभन्दा ठूलो कोशेढुंगा हुनेछ’ एकदेवले लेखेका छन् ।
हिन्दी गीतको कम्पोज चाहिँ रजत नागपालले गरेका छन् । गीतको टिजर बुधबार आउनेछ ।
लिम्बुको गीत ‘झिमझिमाउने आँखा’ नेपाली संस्करण युट्युबमा ३ करोड २० लाखभन्दा बढी पटक हेरिएको छ र टिकटकमा पनि व्यापक लोकप्रियता कमाएको छ । युट्युब म्युजिकको ग्लोबल ट्रेन्डिङमा परेको यो गित विभिन्न देशको युट्युब ट्रेन्डिङमा पनि परिसकेको छ ।
