एजेन्सी । साविक विजेता रियल मड्रिड स्पेनिस ला लिगा फुटबलमा पराजित भएको छ ।
शनिबार राति भएको खेलमा लेभान्टेसँग १० खेलाडीमा समेटिएको रियल २–१ गोल अन्तरले पराजित भएको हो ।
खेलको नवौं मिनेटमा इडर मिलिटाओले रातो कार्ड पाएपछि रियल १० खेलाडीमा समेटियो । खेलको १३ औं मिनेटमा मार्को एसेन्सियोले गोल गर्दै रियललाई १–० को अग्रता दिलाए ।
तर, खेलको ३२ औं मिनेटमा जोसे लुइस मोरालेसले गोल गर्दै लेभान्टेलाई १–१ गोलको बराबरीमा फर्काए ।
त्यसपछि खेलको ७८ औं मिनेटमा रोजर्सले गोल गर्दै लेभान्टेलाई २–१ को जित दिलाए । घरेलु मैदानमा सुरुवाती अग्रता जोगाउन नसक्दा रियलले हार व्यहोरेको हो ।
हारसंगै रियलले शीर्ष स्थानको एट्लेटिको मड्रिडविरुद्ध अंक दुरी कम गर्ने मौका गुमाएको छ । एट्लेटिकोको ४७ अंक रहेको छ । दोस्रो स्थानकोे रियलले २० खेलमा ४० अंक जोडेको छ