काठमाडौं / राष्ट्रपति विद्यादेवी भण्डारीले नेपालको संविधान दोस्रो संसोधन विधेयक २०७७ प्रमाणीकरण गरेकी छन ।
बिहिबार राष्ट्रपति विद्यादेवी भण्डारीले संघीय संसद्को दुवै सदनबाट पारित भएको नेपालको संविधान दोस्रो संशोधन विधेयक २०७७ प्रमाणीकरण गरेकी हुन् ।
राष्ट्रपति भण्डारीले नेपालको संविधान दोस्रो संसोधन विधेयक २०७७ संविधानको धारा २७४ को उपधारा १० बमोजिम प्रमाणीकरण गरेको राष्ट्रपति कार्यालयका प्रवक्ता हरिप्रसाद दाहालले विज्ञप्ती जारी गरी जानकारी दिएका छन ।
नेपाल सरकारले आफ्नो अतिक्रमित भूमि कालापानी, लिपुलेक र लिम्पियाधुरा समेटेर नयाँ नक्सा जारी गरेको राष्ट्रपतिले प्रमाणीकरण गरेसँगै यस अघिको नेपालको निशान छाप परिवर्तन भएर नयाँ लागू भएको छ ।
यो संगै सरकारले जारी गरेको नयाँ नेपालको नक्साले संवैधानिक मान्यता पाएको छ ।